JOIN OUR MAILING LIST

GRBS (Garden Route Business Services) voorsien besighede van die regte ondersteuning en hulpbronne om hul besighede te laat groei.

Kleiner besighede (en sommige redelike groot besighede) kan nie altyd die verskeie besigheidsdienste op voltydse basis bekostig nie en daar is dikwels nie behoefte aan permanente aanstellings vir die dienste nie. Sekere dienste soos byvoorbeeld finansiële bestuur (rekeningkunde en finansies), adviesdienste (bemarkingstrategie, produksiebestuur), voorraadbestuur en menslike hulpbronnebestuur (personeelbestuur, insluitend arbeidsverhoudinge bestuur) moet egter noodgedwonge beskikbaar wees vir ondernemings van enige grootte.

Garden Route Business Services is gestig om hierdie noodsaaklike dienste aan plaaslike ondernemings beskikbaar te stel. Gesetel in Mosselbaai, is GRBS gereed om die nodige dienste aan alle besighede in die Suid-Kaap te lewer. Al hierdie dienste is beskikbaar op ʼn ad-hoc of “betaal-per-gebruik” basis, en geen lidmaatskapfooie is betaalbaar nie.

Hoekom sou mens GRBS as diensverskaffer verkies?

ʼn Aantal redes staan uit wanneer dit kom by die keuse van GRBS as ʼn verlengstuk van u besigheid:

  1. Ons is persoonlik – elke enkele kliënt is belangrik. U ontvang persoonlike aangepaste dienste; nie ʼn “een-grootte-pas-almal” pakket nie.
  2. Ons het jare se ondervinding – met ʼn geskiedenis van gesofistikeerde dienste en die ervaring van ons lede; is ons die EEN om te kies.
  3. Ons lewer waardevolle dienste en  respekteer  die onderneming se winsmotief en belange. Ons lewer die regte diens, korrek, die eerste keer, en bespaar u die onkostes van ʼn permanente werknemer wat betaal sou moes word, al word daar nie 100% van die tyd waarde toegevoeg nie.
  4. Ons is openhartig – ons lok nie besighede met beloftes van gratis aanbiedinge wat nie realiseer nie. Daar is geen vangplekke nie, geen versteekte kostes nie. U sal altyd weet presies wat u ontvang en wat die kostes gaan wees.
  5. Ons respekteer u tyd – ons sal betyds wees vir die afsprake en binne die ooreengekome tydraamwerke bly tensy anders ooreengekom.
  6. Ons is daar vir u – beskikbaarheid van advies en leiding strek verby die voltooiing van die oorspronklike diens en projek, steeds op ʼn “betaal-per-gebruik” basis.
  7. Ons voortgesette sukses en gewildheid in die mark is afhanklik van kliënte tevredenheid – ons streef dus na  lewering van topgehalte werk.

By GRBS glo ons in ʼn proses-georiënteerde benadering om te verseker dat ons die beste moontlike diens kan lewer teen die regte prys vir die spesifieke opdrag. Met ons professionele en hoë kwaliteit diens bou ons verhoudinge met ons kliënte, sodat ons kan voortgaan om tot u diens te wees, lank na afhandeling van die oorspronklike projek.

GRBS nooi u uit om ons ʼn verlenging te maak van u onderneming, sodat ons gesamentlike sukses kan na streef.

Back Back to top